"ABCD... I Love You"
ABCDEFGHI - JKLM - NOPQRSTUVWX - YZ
I Love You.
Chhutiyon Ke Yeh Din Hain Suhane,
Saathi Tera Yuh Saath Rahe,
Bachchon Ke Sang Bachche Phir Ban Jayen,
Mauj Mein Jhoome Zara, Masti Karen,
Ban Ke Badal, Ban Ke Panchhi, Udte Rahen.
Kya Baat Hai Jijaji.
ABCDEFGHI - JKLM - NOPQRSTUVWX - YZ
I Love You.
Apne Gaon Ki Galiyon Mein Chale Hum,
Bachpan Ki Yaadon Mein Khoya Hai Man,
Bahen Thaame Teen Bhaiyon Ki,
Thumkegi Phir Se Unki Behen,
Sawan Ke Jhoolon Se, Babul Ke Aangan Se, Hoga Milan.
Jiji - How Emotional.
ABCDEFGHI - JKLM - NOPQRSTUVWX - YZ
I Love You.
Thandi Thandi Yeh Hawaen Humko,
Chupke Chupke Kya Kehti Suno,
Manzil Hai Kareeb Ab Hamare,
Bolen Ghatayen, Khushiyan Chuno,
Nazaren Chura Ke, Dil Mein Chhupa Ke, Sapne Buno.
Vinod - How Romantic.
ABCDEFGHI - JKLM - NOPQRSTUVWX - YZ
I Love You..
"Chhote Chote Bhaiyon Ke"
Chhote Chhote Bhaiyon Ke Bade Bhaiya,
Aaj Banenge Kise Ke Saiyan,
Dhol Nagade Baje Shehnaiyan,
Jhoom Ke Aai Mangal Ghadiyan...
Bhabhi Ke Sung Holi Mein,
Rang Gulaal Udayenge,
Aayegi Jab Jab Diwali,
Milkar Deep Jalayenge,
Chunri Ki Kar Degi Chhaiyan,
Aayegi Banke Purwaiyan,
Chhote Chhote Bhaiyon Ke Bade Bhaiya,
Aaj Banenge Kise Ke Saiyan...
Jhilmil Ho Gayi Hain Ankhiyan,
Yaad Aayi Bachpan Ki Ghadiyan,
Naye Safar Mein Lag Jayegi,
Pyar Ki Inko Hathkadiyan,
Jachte Hain Dekho Kaise Bade Bhaiya,
Ramji Bihane Chale Sita Maiya,
Chhote Chhote Bhaiyon Ke Bade Bhaiya,
Aaj Banenge Kise Ke Saiyan...
"Maiyya Yashoda"
Maiyya Yashoda Ye Tera Kanhaiyya
Maiyya Yashoda Ye Tera Kanhaiyya Panghat Pe Meri Pakde Hai Baiyyaan
Tang Mujhe Karta Hai Sang Mere Ladta
Hay
Raamji Ki Kripa Se Main Bachi
Raamji Ki Kripa Se Main Bachi
Raamji Ki Kripa Se
Maiyya Yashoda Ye Tera Kanhaiyya Panghat Pe Meri Pakde Hai Baiyyaan
Tang Mujhe Karta Hai Sang Mere Ladta
Hay
Raamji Ki Kripa Se Main Bachi
Raamji Ki Kripa Se Main Bachi
Raamji Ki Kripa Se
Gokul Ki Galiyon Mein Jamuna Kinaare
Vo To Hai Kankaniya Chhup Chhupke Maare
Natkhat Adayein Soorat Hai Bholi
Holi Mein Meri Bhigaaye Vo Choli
Baiyyaan Na Chhode
Kalaiyyaan Marode
Baiyyaan Na Chhode Kalaiyyaan Marode
Paiyyaan Padoon Phir Bhi Peechha Na Chhode
Meethi Meethi Baaton Mein Mujhko Phasaaye
Hay
Raamji Ki Kripa Se Main Bachi
Raamji Ki Kripa Se Main Bachi
Raamji Ki Kripa Se
Jab Jab Bajaaye Mohan Muraliya
Chhan Chhan Chhanakti Hai Meri Paayaliya
Neinon Se Jab Vo Kare Chhedkhaani
Dil Thaame Reh Jaaye Prem Deewani
Sadh Budh Gawaayi
Neendein Udaayi
Sadh Budh Gawaayi Neendein Udaayi
Jo Karne Baithi Thi Vo Kar Na Paayi
Badi Mushkil Se Dil Ko Sambhaala
Hay
Raamji Ki Kripa Se Main Bachi
Raamji Ki Kripa Se Main Bachi
Raamji Ki Kripa Se
Gokul Ka Kaanah Re Dil Mein Samaaya
Main Bhaagyashaali Inhein Maine Paaya
Maana Ki Sabke Hain Ye Kanhaiyya
Kehlayenge Bas Tumhaare Hi Maiyya
Pyaara Piya Hai
Tumne Diya Hai
Pyaara Piya Hai Tumne Diya Hai
Mamta Ke Aanchal Mein Humko Liya Hai
Charnon Mein Tere O Maa Humko Rehna Hai
Raamji Ki Kripa Se Haan Ji Haan
Raamji Ki Kripa Se Haan Ji Haan
Raamji Ki Kripa Se
"Mhare Hiwda Mein Naache Mor"
Bhavre Ne Machaya Shor, Khili Dil Ki Kaliyan,
Badla Mausam, Badle Nazare, Ya Badla Hai Nazariya,
Mhare Hiwda Mein Nache Mor, Tak Thaiya Thaiya...
Tu Nai Naveli Dulhan Hai,
Tera Roop Pyar Ka Darpan Hai,
Teri Mehendi Se, Tere Gajre Se,
Mehka Mehka Mera Jeevan Hai,
Mere Sawalon Ka Jawaab Banke Tu Aai Sajaniya,
Mhare Hiwda Mein Nache Mor, Tak Thaiya Thaiya,
Aisi Bandhi Pyar Ki Dor, Hui Main Bavariya,
Badla Mausam, Badle Nazare, Ya Badla Hai Nazariya,
Mhare Hiwda Mein Nache Mor, Tak Thaiya Thaiya...
Yah Pyar Ka Sawan Aaya Hai,
Sang Preet Ka Mausam Laaya Hai,
Jo Dil Mein Chhupa Ke Rakha Tha,
Woh Raaz Labon Par Aaya Hai,
Dil Mein Basake, Apna Banake, Le Chalun Prem Nagariya,
Mhare Hiwda Mein Nache Mor, Tak Thaiya Thaiya,
Chahe Le Jao Jis Ore, Sang Chalungi Saiyan,
Badla Mausam, Badle Nazare, Ya Badla Hai Nazariya,
Mhare Hiwda Mein Nache Mor, Tak Thaiya Thaiya...
Yeh Chand Sitaron Ki Baaraat,
Layee Hai Ghadi Suhani,
Kya Baat Hai, Mere Saath Hai,
Mere Sapnon Ki Rani,
Barson Sataya Tune, Chain Churaya, Main Aaj Na Chhodoon Baiyan
"Suno Ji Dulhan Ek Baat"
Sunoji Dulhan Ek Baat Sunoji,
Apne Naye Parivar Se Miloji,
Tumhe Milayen Sabse Aaj,
Suno Sunayen Sabke Raaz,
Hai, Tumhe Milayen Sabse Aaj,
Suno Sunayen Sabke Raaz...
Pehle Dulhan Tum Inse Miloji,
Ghar Ke Mukhiya Tumhare Sasurji,
Jinke Sar Pe Sukhon Ka Taj,
Dekho Zara Inka Andaz,
Hai, Jinke Sar Pe Sukhon Ka Taj,
Dekho Zara Inka Andaz.
Rampur Ka Baasi Hoon Main,
Ramkishan Hai Naam,
Seedhi Saadhi Boli Meri,
Seedha Saadha Kaam,
Ho, Jo Bhi Chaha Maine,
Ho, Rab Se Woh Paaya Maine,
Rampur Ka Baasi Hoon Main,
Ramkishan Hai Naam.
Des-Bides Ghoomkar Aaya Main Bhai,
Ho, Mehak Gaon Ki Mitti Ki Na Bisrai,
Wahi Gud Chana-Doodh Nashte Mein Bhaaye,
Ho, Chhuri Aur Kaante Se Khana Na Aaye,
Itne Par Bhai...Ho,
Itne Par Bhi Hai Nayee Techniko,
Ko Pyar Se Seekha Maine,
Rampur Ka Baasi Hoon Main,
Ramkishan Hai Naam,
Seedhi Saadhi Boli Meri,
Seedha Saadha Kaam...
Aao Dulhan Ab Inse Miloji,
Yeh Hain Tumhari Sasu Maji,
Ghar Mein Chalta Inka Raj,
Inka Khaas Hai Ek Andaz,
Hai, Ghar Mein Chalta Inka Raj,
Inka Khaas Hai Ek Andaz.
Mera Naam Mu-Mu-Mu,
Mu-Mu-Mu Aha Mu-Mu-Mu,
Teen Titliyan Meri Yaar,
Mujhe Partiyon Se Hai Pyar.
Wah-Wah, Wah-Wah,
Wah-Wah, Wah-Wah.
Shopping Ho Ya Sabzi Mandi,
Mol-Bhaav Ki Pakki Hoon,
Ek Rupaiya Keemat Ho To,
Ek Rupaiya Hi Main Doon,
Lamba Mera Fasana Hai,
Par Beauty Parlour Jaana Hai,
Lamba Mera Fasana Hai,
Par Beauty Parlour Jaana Hai,
Mera Naam Mu-Mu-Mu,
Mu-Mu-Mu Aha Mu-Mu-Mu,
Pyara Mujhe Saaj Singaar,
Umra Ko Goli Maaro Yaar.
Wah-Wah, Wah-Wah,
Wah-Wah, Wah-Wah...
Chalo Dulhan Ab Aage Badho Ji,
Apne Nanad - Nandoi Se Miloji,
Biwi Ko Yeh Na Karen Naraaz,
Aashikana Hai Andaz,
Hai, Biwi Ko Yeh Na Karen Naraaz,
Aashikana Hai Andaz.
Radhika Ke Daddy Zara Aana,
Darling - Hukum Farmana,
Kaisi Hai Yeh Sari Batana,
Darling - Fida Hai Yeh Deewana.
Mera Sar Hai Dukhta,
Chalo Main Daba Doon,
Hai Khana Pakana,
Kaho Main Paka Doon,
Kahin Ghoom Aayen,
Jahaan Bhi Kaho Tum,
Dinner Lenge Bahar,
Fikar Na Karo Tum,
Baad Mein Ice Cream Bhi Khilana,
Darling - Jo Chaho So Mangana,
Meetha Paan Calcutta Khilana,
Darling - Zara Sa Muskurana,
Zara Mera Purse To Uthana,
Darling - Tumhara Hai Zamana.
Darling - Tumhara Hai Zamana...
Sunoji Dulhan Ab Sambhal Jaoji,
Chhote Natkhat Devar Se Miloji,
Bada Rangeela Inka Mizaaj,
Shaitani Inka Andaz,
Hai, Bada Rangeela Inka Mizaaj,
Shaitani Inka Andaz.
Papa Kehte Hain Bada Naam Karega,
Beta Hamara Aisa Kaam Karega,
Sach Saare Sapne - Papa Ke Apne,
Karne Chala Main Naujawaan.
Bholi Soorat Dil Ke Khote,
Baatein Badi Hain Kaam Hain Chhote - Kaam Hain Chhote,
Aath Baje Tak Jo Sote,
Bade Kahaan Log Aise Hote.
Jinki Nazar Mein Ho Koi Sapna,
Raha Na Unko Hosh Apna - Hosh Apna,
Chit Bhi Hai Inki : Pat Bhi Hai Inki,
Bin, Pendi Ke Yeh Lote,
Baatein Badi Hain, Kaam Hain Chhote - Kam Hain Chhote,
Bholi Soorat Dil Ke Khote,
Husn Ke Nakhre Mote Mote - Mote Mote...
Sunoji Dulhan Ab Gaur Karoji,
Apne Bade Devar Se Miloji,
Ma Ke Dil Ke Yeh Sartaaj,
Sharmeela Jinka Andaz.
Ankhiyan Milayen Nahin,
Hai Batiyaen Nahin, Banke Rahen Sadhu,
Ankhiyan Milayen Nahin,
Hai Batiyaen Nahin, Banke Rahen Sadhu,
Kisi Chehre Ke Kitaab Ka Roz,
Revision Hai Chalu,
Preeti Ke Path Mein Hain Prembabu,
Chhupe Rustam Hain Yeh Prembabu.
Aise Kya Bane Padhaiya,
Padh Ke Dekho Ji Saiyan,
Prem Ke Dhai Akshar - Ho,
Jab Tak Tum Rahe Bidesi,
Meri Haalat Thi Aisi,
Jal Bin Jaise Machhariya Ho,
Mera Piya Ghar Aaya Ho Ramji,
Mera Piya Ghar Aaya Ho Ramji.
Puri Ho Na Ho Padhai, O Papaji,
Kar Do Inki Bhi Sagai, O Mummyji...
Pyari Dulhan Ab Dil Thamoji,
Kyon Ke Hai Baari Saiyaji Ki,
Itna Sa Hai Inka Raaz,
Sab Se Alag Inka Andaz,
Hai, Itna Sa Hai Inka Raaz,
Sab Se Alag Inka Andaz.
Khuli Kitaab Ke Jaisi Hai Shaksiyat Inki,
Kaun Hai Ghar Mein Aisa Jisko Inpe Naaz Nahin,
Suno Dulhan Batayen Raaz Tumko Hum Inka,
Yeh Aaina Hain - Jiske Dil Mein Koi Raaz Nahin.
Chanda Mama Se Bhi Pyare,
Hain Yeh Hamare Mama,
Chanda Mama Se Bhi Pyare,
Hain Yeh Hamare Mama,
Mami Ji Ke Aa Jaane Se,
Humko Bhool Na Jaana,
Pyare-Pyare Mamaji - Jahaan Se Nyare Mamaji,
Pyare-Pyare Mamaji - Jahaan Se Nyare Mamaji
"Yeh To Sach Hai Ke Bhagwaan Hai"
Yeh To Sach Hai Ki Bhagwan Hai,
Hai Magar Phir Bhi Anjaan Hai,
Dharti Pe Roop Maa Baap Ka,
Us Vidhaata Ki Pehchaan Hai...
Janmdaata Hai Jo, Naam Jinse Mila,
Thamkar Jinki Ungli Hai Bachpan Chala,
Kaandhe Par Baithke, Jinke Dekha Jahaan,
Gyan Jinse Mila, Kya Bura Kya Bhala,
Itne Upkaar Hain Kya Kahen,
Yeh Bataana Na Aasaan Hai,
Dharti Pe Roop Maa Baap Ka,
Us Vidhaata Ki Pehchaan Hai...
Janam Deti Hai Jo, Maa Jise Jag Kahe,
Apni Santaan Mein, Pran Jiske Rahe,
Loriyan Hothon Par, Sapne Bunti Nazar,
Neend Jo Vaar De, Hanske Har Dukh Sahe,
Mamta Ke Roop Mein Hai Prabhu,
Aapse Paaya Vardaan Hai,
Dharti Pe Roop Maa Baap Ka,
Us Vidhaata Ki Pehchaan Hai...
Aapke Khwab Hum, Aaj Hokar Jawaan,
Us Param Shakti Se Karte Hain Prarthna,
Unki Chhaya Rahe, Rehti Duniya Talak,
Ek Pal Reh Sake Hum Na Jinke Bina,
Aap Dono Salaamat Rahe,
Sabke Dil Mein Yeh Armaan Hai,
Dharti Pe Roop Maa Baap Ka,
Us Vidhaata Ki Pehchaan Hai,
Yeh To Sach Hai Ki Bhagwan Hai
