"Jaadu Bhare Naina"

Ho O
Jaadu Bhare Naina
Jaadu Bhare Naina Tihaare Balam -2
Tore Sar Ki Qasam Jaadu Daar Gaye
Haan-haan
Tore Sar Ki Qasam Jaadu Daar Gaye
Haay Hamein Maar Gaye
Ho Hamein Maar Gaye
Jaadu Bhare Naina

( Bholee-bhaali Najar
Gai Dil Mein Utar ) -2
Hua Wo Hi Ki Jisaka Tha Pahale Se Dar
Chupake-chupake -2
Idhar Lut Gai Zindagi -2
Aur Udhar Bekabar Hi Raha Bekabar
Baanki Tirachhi Najariya Ke Teer
Gaye Manava Ko Cheer
Karejava Ke Paar Gaye
Haay Haay Raam
Karejava Ke Paar Gaye
Haay Re Hamein Maar Gaye
Ho Hamein Maar Gaye
Jaadu Bhare Naina

( Pyaaree-pyaari Ada
Le Gai Dil Chura ) -2
Phir To Aankhon Hi Aankhon Mein Jaadu Kiya
Choree-chori -2
Hueen Saari Rasamein Ada -2
Dil Ki Baazi Mein Dil Par Na Qaabu Raha
Dekho-dekho Mohabbat Ki Reet
Gaye Duniya Se Jeet
Sajanava Se Haar Gaye
Haay Haay Raam
Sajanava Se Haar Gaye
Haay Re Hamein Maar Gaye
Ho Hamein Maar Gaye
Jaadu Bhare Nainaa

"Kya Karu Kya Karu"

Kya Karu Kya Karu
Kya Karu Seene Mein Hook Uthi Hai Ghabaraata Hai Dil
Laakh Bahalaata Hoon Bahalaaya Nahi Jaata Hai Dil

Kin Andhere Mein Ho Tum Is Raaz Se Ho Bekhabar
Roshani Hoti Hai Jab Nazaron Se Milati Hai Nazar
Aag Lag Uthati Hai Jis Dam Dil Se Jab Takaraata Hai Dil
Laakh Bahalaata Hoon ...

Haay Ik Dil Ki Badaulat Lut Gayi Duniyaan Tamaam
Is Tabaahi Mein Tumhaara Kis Liye Aata Hai Naam
Dil Ko Tadapaata Ho Tum Aur Mujhako Tadapaata Hai Dil
Laakh Bahalaata Hoon

"Sahaara Koi Mil Jaata"

Sahaara Koi Mil Jaata To Ham Kab Ke Sanbhal Jaate (2)
Ke Jis Saanche Mein Dil Kahata Usi Saanche Mein Dhal Jaate (2)

Baraabar Donon Jaanib Aag Lagati Hai Muhabbat Mein (2)
Idhar Se Bhi Udhar Pahale Sulagati Hai Muhabbat Mein (2)
Na Jalati Shamma Mahafil Mein To Kya Paravaane Jal Jaate (2)
Sahaara Koi Mil Jaata ...
Ke Jis Saanche ...
Sahaara Koi Mil Jaata

Kisi Se Aankhon Aankhon Mein Koi Iqaraar Ho Jaata
Muhabbat Ka Agar Bharapoor Dil Par Vaar Ho Jaata (2)
To Dil Ke Saath Shaayad Dil Ke Aramaan Bhi Nikal Jaate (2)
Sahaara Koi Mil Jaata ...
Ke Jis Saanche ...
Sahaara Koi Mil Jaata

"Sansaar Hai Ik Nadiya"

Sansaar Hai Ik Nadiyaa, Duhkh-sukh Do Kinaare Hain
Na Jaane Kahaan Jaayen, Ham Bahate Dhaare Hain

Chalate Hue Jeevan Kee, Raftaar Mein Ik Lay Hai
Ik Raag Mein Ik Sur Mein, Sansaar Ki Har Shay Hai
Sansaar Ki Har Shay Hai ...
Ik Taar Pe Gardish Mein, Ye Chaand Sitaare Hain

Dharati Pe Ambar Ki Aankhon Se Barasati Hai
Ik Roz Yahi Boonden, Phir Baadal Banati Hain -2
Is Banane Bigadane Ke Dastoor Mein Saare Hain

Koi Bhi Kisi Ke Lie, Apana Na Paraaya Hai
Risshte Ke Ujaale Men, Har Aadami Saaya Hai -2
Kudarata Ke Bhi Dekho To, Ye Khel Puraane Hain

Hai Kaun Vo Duniya Men, Na Paap Kiya Jisane
Bin Ulajhe Kaanton Se, Hain Phool Chune Kisane
Hain Phool Chune Kisane ...
Be-daag Nahi Koee, Yahaan Paapi Saare Hain
Make a Free Website with Yola.